OpenAI, Zoom və Zoho Azərbaycanda vergi qeydiyyatına alınıb

OpenAI, Zoom və Zoho Azərbaycanda vergi uçotuna alınıb. Şirkətlərin ƏDV üzrə qeydiyyatı 1 sentyabr 2026-cı ildən qüvvəyə minəcək.

Yeni qaydalara əsasən, Azərbaycanda elektron xidmət göstərən və illik dövriyyəsi 10 min dollardan çox olan qeyri-rezident rəqəmsal xidmət təchizatçıları vergi uçotuna alınmalıdır.

Qeydiyyatdan keçən şirkətlər ƏDV-ni özləri hesablayıb bəyan edəcək və dövlət büdcəsinə ödəyəcəklər. Bu səbəbdən həmin ödənişlər üzrə ƏDV artıq banklar tərəfindən tutulmayacaq.