Azərbaycanda frilanser fəaliyyəti rəsmiləşdirilir!
18 Jun,2026633 baxış
Azərbaycanda rəqəmsal iqtisadiyyatın inkişafı istiqamətində yeni addım atılır. Vergi və sahibkarlıq sahəsində nəzərdə tutulan dəyişikliklər çərçivəsində ölkədə ilk dəfə olaraq “frilanser” anlayışının qanunvericiliyə daxil edilməsi planlaşdırılır.
Yeni yanaşmaya əsasən, rəqəmsal texnologiyalar, süni intellekt, kibertəhlükəsizlik və innovasiya sahələrində muzdlu işçi cəlb etmədən müstəqil fəaliyyət göstərən fiziki şəxslər rəsmi şəkildə frilanser statusu əldə edə biləcəklər.
Dəyişikliklərin məqsədi müasir əmək bazarının tələblərinə uyğun çalışan şəxslərin fəaliyyətini hüquqi çərçivəyə salmaq, onların rəsmi fəaliyyət imkanlarını genişləndirmək və innovasiya mühitinin inkişafını dəstəkləməkdir.
Təklif olunan qaydalara görə, frilanser statusundan və nəzərdə tutulan vergi güzəştlərindən yararlanmaq istəyən şəxslərin texnologiyalar və ya sənaye parkında rezident kimi qeydiyyatdan keçməsi, eyni zamanda vergi orqanında rəsmi qeydiyyatının olması tələb ediləcək.
