“Digital Challenge Azerbaijan” yarışına qeydiyyat başladı

“Rəqəmsal İstedadlar” layihəsi çərçivəsində keçirilən “Digital Challenge Azerbaijan” yarışına qeydiyyat başlayıb.

Yarışma proqramlaşdırma və kibertəhlükəsizlik sahələrinə marağı olan gəncləri bilik və bacarıqlarını sınamağa, eləcə də potensiallarını nümayiş etdirməyə dəvət edir.

Yarış iki istiqamət üzrə keçiriləcək:

1) Proqramlaşdırma – fərdi iştirak formatında və Azərbaycan dilində;

2) Kibertəhlükəsizlik – 3 nəfərlik komandalar şəklində və ingilis dilində.

Kibertəhlükəsizlik istiqaməti Azərbaycan Kibertəhlükəsizlik Mərkəzi və Technion Texnologiya İnstitutu ilə əməkdaşlıq çərçivəsində təşkil olunur.

Müsabiqədə 17 yaşdan yuxarı Azərbaycan Respublikası vətəndaşları iştirak edə bilərlər. Hər iştirakçı yalnız bir istiqamət üzrə yarışa qoşula bilər.

Qeydiyyat üçün son tarix: 30 sentyabr 2026-cı il

İştirak etmək istəyənlər qeydiyyat zamanı seçdikləri istiqamətin qaydaları ilə əvvəlcədən tanış ola bilərlər. Qeydiyyat linki buradadır.