Bestbooks mühasibat platforması Azərbaycanda istifadəyə verilib

Kiçik və orta bizneslər, habelə mühasibatlıq xidməti göstərən şirkətlər üçün hazırlanmış Bestbooks mühasibat platforması istifadəyə verilib.

Şirkətin məlumatına görə, platforma Azərbaycanın vergi qanunvericiliyi və mühasibat uçotu tələbləri əsasında qurulub. Satış, xərc, anbar, ödəniş və hesabat əməliyyatları vahid sistemdə birləşdirilib.

Məhsul həm peşəkar mühasiblər, həm də mühasibatlıq təhsili olmayan sahibkarlar üçün nəzərdə tutulub. Tərtibatçıların bildirdiyinə görə, proqram biznesin mövcud iş proseslərinə uyğunlaşır.

Şirkətin həmtəsisçisi və baş icraçı direktoru Rauf Vəliyev layihənin məqsədini belə izah edib: "Bestbooks-u hazırlayarkən əsas diqqəti Azərbaycan biznesinin real ehtiyaclarına yönəltdik".

Platforma iki modeldə təklif olunur. Birincisi bulud əsaslı SaaS modeli, ikincisi isə şirkətin öz serverində quraşdırılan On-Premise versiyadır.

Maliyyə məlumatlarına giriş rol əsaslı icazələrlə tənzimlənir. Bu yanaşma hər istifadəçinin yalnız öz vəzifəsinə aid məlumatları görməsinə imkan verir.

Şirkətin açıqlamasına əsasən, Bestbooks Rəqəmsal İnkişaf və Nəqliyyat Nazirliyi tərəfindən verilən fərdi məlumatların informasiya sistemi fəaliyyəti üzrə lisenziyaya malikdir və müvafiq dövlət reyestrində qeydiyyata alınıb. Sistem ASAN İmza, SİMA və myGov ilə inteqrasiya olunub.

İstifadəçilərə 14 günlük pulsuz sınaq müddəti təklif edilir və bunun üçün bank kartı məlumatları tələb olunmur. Məhsul barədə ətraflı məlumat bestbooks.az saytında yerləşdirilib.