AIREX 2026da startaplar $15 000 mükafat uğrunda yarışacaq

AIREX Startup Competition 2026 üçün müraciətlərə start verilib. Yarış daşınmaz əmlak texnologiyaları (PropTech) sahəsində fəaliyyət göstərən startaplara öz həllərini investorlar və sənaye ekspertləri qarşısında təqdim etmək və $15 000 məbləğində ümumi mükafat fondu uğrunda mübarizə aparmaq imkanı yaradacaq.

AIREX tərəfindən təşkil olunan və SABAH.HUB tərəfindən dəstəklənən yarış Azərbaycanın ilk beynəlxalq daşınmaz əmlak sərgisi çərçivəsində keçiriləcək.

Yarışda Azərbaycanla yanaşı, MENA regionu, Türkiyə, Mərkəzi Asiya və Cənubi Qafqazdan innovativ startaplar iştirak edə biləcək.

Tarix: 4–6 noyabr 2026

Məkan: Bakı Expo Mərkəzi

Müraciət üçün son tarix: 20 sentyabr 2026

Təşkilatçılar startaplara müraciətlərini son günə saxlamamağı tövsiyə edir. Erkən müraciət komandaya layihəni nəzərdən keçirmək üçün kifayət qədər vaxt verəcək və texniki problemlərin qarşısını almağa imkan yaradacaq.

Müraciət üçün AIREX-in rəsmi saytına daxil olmaq lazımdır.