Spotify tətbiqinə fitness dərsləri əlavə edir

Spotify platforması fəaliyyətini genişləndirərək tətbiqinə “Fitness” bölməsi əlavə edib. Yeni funksiyaya əsasən istifadəçilər artıq yalnız musiqi və podkast deyil, həm də müxtəlif məşq proqramlarına çıxış əldə edəcəklər.

Bölmədə yoqa, kardio, güc məşqləri və meditasiya kimi dərslər yer alacaq. Video və audio formatlı yüzlərlə məşq proqramı təqdim olunacaq, Premium istifadəçilər üçün isə 1400-dən çox reklamsız fitness dərsi nəzərdə tutulur.

Layihə çərçivəsində Spotify Peloton və tanınmış fitnes yaradıcıları ilə əməkdaşlıq edir. Yeni funksiya insanların daha aktiv həyat tərzinə marağının artması ilə bağlıdır və platformanı daha geniş istifadə etməyə imkan verir.