Bir: Yeni Dövrün Rəqəmsal Mərkəzi

"Birbank Bir ekosisteminin mərkəzindədir və bu təqdimat yeni bir dövrün başlanğıcıdır!" – bu sözlər Birbank-ın Baş İcraçı Direktoru Fərid Hüseynov tərəfindən “Bir ekosistemi”nin rəsmi təqdimat mərasimində səsləndirilib.

PAŞA Holdinq tərəfindən yaradılan və ölkənin rəqəmsal iqtisadiyyatına yeni nəfəs gətirən Bir ekosistemi, maliyyə, rəqəmsal ödəniş və e-ticarət sahələrində ölkənin qabaqcıl brendlərini vahid platforma altında birləşdirir. Bu təşəbbüs müştərilərə daha rahat, sürətli və inteqrasiya olunmuş xidmət təcrübəsi təqdim etməyi hədəfləyir.

🌐 Brendlər Vahid Platformada

Bir ekosistemin tərkibinə aşağıdakı brendlər daxildir:

• Birbank – maliyyə xidmətləri, kreditlər, depozitlər və ödənişlər

• Umico – alış-veriş və cashback imkanları

• m10 – rəqəmsal ödəniş həlləri

• MilliÖn – terminallar və müxtəlif xidmət ödənişləri

Bundan əlavə, Trendyol Azərbaycan və BakıKart kimi strateji tərəfdaşlarla əməkdaşlıq, müştəri təcrübəsini daha da zənginləşdirir.

🧩 Dörd əsas innovasiya konsepti:

Bir ekosistemi aşağıdakı 4 əsas ideya üzərində qurulub:

• Vahid giriş – bütün xidmətlərə tək hesabla daxil olmaq

• Vahid bonus – inteqrasiya olunmuş mükafat sistemi

• Vahid ödəniş – bütün əməliyyatların bir mərkəzdən idarəsi

• Vahid kredit – platformadaxili universal kredit imkanları

Bu konseptlər vasitəsilə müştərilər üçün sadə, rahat və şəffaf xidmət təcrübəsi formalaşdırılır.

💬 Rəhbərlikdən Açıqlamalar

Təqdimat zamanı çıxış edən Fərid Hüseynov bildirib:

“Uzun müddətdir böyük bir komanda olaraq müştərilərimizə daha rahat, sürətli və innovativ həllər təqdim etmək üçün çalışırdıq. Bu gün isə Bir ekosistemi rəsmi olaraq müştərilərimizin ixtiyarındadır. Bu sadəcə bir təqdimat deyil, tamamilə yeni bir dövrün başlanğıcıdır.”

Eyni zamanda, Umico, M10 və MilliÖn şirkətlərinin rəhbərləri də çıxış edərək öz markalarının bu ekosistem daxilindəki rolu barədə ətraflı məlumat veriblər.

Birbank – Ekosistemin Güclü Dayaq Nöqtəsi

Bugün artıq 3 milyondan çox istifadəçi, 118 filial və 54 şöbəsi ilə Birbank, ekosistemin mərkəzində dayanan aparıcı maliyyə institutu olaraq, rəqəmsal bankçılıqda liderliyini qoruyur. İndi isə bu liderlik daha böyük bir platformaya inteqrasiya olunaraq müştərilərə daha geniş imkanlar yaradır.

Ətraflı məlumat üçün:

🔗 www.birbank.az
📞 196 Sorğu Mərkəzi