SİMA İmza ilə vergi bəyannamələrini mobil telefondan təqdim etmək mümkün oldu

SİMA yeni nəsil rəqəmsal imzası sayəsində biznes subyektləri artıq elektron vergi xidmətlərindən istənilən vaxt və istənilən yerdən yararlana bilirlər.

II rüb üzrə vergi hesabatlarının təqdim olunması dövrünü nəzərə alaraq, istifadəçilər xidmət mərkəzlərinə getmədən, yalnız mobil telefon vasitəsilə biznes elektron imzası əldə edə bilərlər. Bu isə həm vaxt itkisini aradan qaldırır, həm də vergi proseslərini daha rahat idarə etməyə imkan yaradır.

"SİMA İmza" ilə ƏDV, gəlir vergisi, sadələşdirilmiş vergi, mənfəət vergisi və vahid bəyannamə daxil olmaqla bütün növ vergi bəyannamələrini elektron şəkildə təqdim etmək mümkündür. Rəqəmsal imza dövlət və özəl elektron xidmətlərdə təhlükəsiz identifikasiya və sənədlərin hüquqi qüvvəyə malik şəkildə imzalanmasını təmin edir.

Hazırda biznes subyektləri üçün "SİMA İmza"nın əldə olunması daha sərfəlidir. Tətbiqdə biznes imzası yaradarkən 6AYPULSUZ promokodundan istifadə edən sahibkarlar və hüquqi şəxslər xidmətdən ilk 6 ay ərzində ödənişsiz yararlana bilərlər.

Pulsuz istifadə müddəti başa çatdıqdan sonra isə istifadəçilər ehtiyaclarına uyğun olaraq aşağıdakı tariflərdən birini seçə bilərlər:

Aylıq – 2.40 AZN

1 illik – 25 AZN

3 illik – 55 AZN

Şirkət bildirir ki, göstərilən tariflərdən əlavə heç bir gizli və ya əlavə ödəniş tətbiq olunmur.