Instagram karusel paylaşımlarında hər slayd üçün ayrıca caption funksiyasını istifadəyə verib

Instagram istifadəçi təcrübəsini genişləndirən yeni funksiyasını təqdim edib. “Multiple Captions” adlanan yenilik sayəsində artıq karusel formatında paylaşım edilən hər foto və ya video üçün ayrıca açıqlama (caption) əlavə etmək mümkündür.

İndiyə qədər istifadəçilər karusel paylaşımında yalnız bir ümumi caption yazmaq imkanı əldə edirdilər. Yeni funksiya isə hər slayda fərdi mətn əlavə etməyə şərait yaradır. Bu dəyişiklik xüsusilə hekayə əsaslı paylaşımlar, məhsul təqdimatları, təlimat məzmunları və mərhələli izah tələb edən kontentlər üçün əlavə rahatlıq yaradır.

Qeyd edək ki, bu yenilik Instagram-ın bir karuseldə 20 foto və video paylaşımına icazə verməsindən sonra istifadəyə verilib.