Claude mətnlərinə görünməz filiqran gəlir
13 Aug,2026241 baxış
Anthropic süni intellektlə yaradılan məzmunun müəyyən edilməsini asanlaşdırmaq üçün Claude modellərində yeni sistem tətbiq etməyə hazırlaşır.
Şirkət yeni Claude modellərinin yaratdığı və ya əhəmiyyətli dərəcədə redaktə etdiyi mətnlərə gözlə görünməyən filiqranlar əlavə etməyi planlaşdırır. Bu filiqranların əsas məqsədi məzmunun süni intellekt tərəfindən hazırlandığını müəyyənləşdirməyə kömək etməkdir.
Yeni sistemin əsas xüsusiyyətlərindən biri filiqranların mətnin kopyalanaraq başqa platformaya yerləşdirilməsi və müəyyən redaktələrdən keçirilməsi zamanı belə qorunmasının nəzərdə tutulmasıdır.
Sistem model səviyyəsində işləyəcəyindən bu texnologiyanın Claude-un müxtəlif məhsul və platformalarda istifadəsinə də tətbiq olunması gözlənilir. Beləliklə, istifadəçilər tərəfindən hazırlanmış mətnlərin AI mənşəyini müəyyən etmək daha asan ola bilər.
Anthropic-in bu addımı Avropa İttifaqının süni intellektlə bağlı şəffaflıq tələbləri ilə də əlaqələndirilir. Şirkət yeni sistem vasitəsilə AI Act çərçivəsində AI tərəfindən yaradılan məzmunun müəyyənləşdirilməsi və şəffaflığın artırılması istiqamətindəki tələblərə uyğunlaşmağı hədəfləyir.
