Azərbaycanda rəqəmsal bankçılıq sahəsində daha bir yenilik tətbiq olunur. Birbank mobil tətbiqinə SİMA İmza inteqrasiya edilir.
Marja.az xəbər verir ki, bu barədə keçirilən mətbuat konfransında “Kapital Bank” ASC-nin İdarə Heyətinin üzvü, Baş Risk İnzibatçısı Ağarza Baxşiyev bildirib ki, artıq qeydiyyat zamanı biometrik identifikasiya – üztanıma texnologiyası SİMA ilə birləşdirilib. Bu funksiya hazırda məhdud istifadəçilər üçün aktivdir və yaxın zamanda daha geniş auditoriyaya təqdim olunacaq.Yenilik sayəsində istifadəçilər ilk qeydiyyat zamanı şəxsiyyətlərini SİMA vasitəsilə təsdiqləyərək rəqəmsal imza yarada biləcəklər. Növbəti mərhələdə isə bu imzanın kredit müraciətləri və digər vacib bank xidmətlərində istifadəsi planlaşdırılır.
Bu addım bank xidmətlərini daha sürətli, təhlükəsiz və tam rəqəmsal hala gətirməyə yönəlib.
