Azərbaycanda yeni investisiya şirkəti qeydiyyata alınıb

İqtisadiyyat Nazirliyi yanında Dövlət Vergi Xidməti “Cib Kapital İnvestisiya Şirkəti” QSC-ni dövlət qeydiyyatına alıb. Bu barədə nazirlik tərəfindən məlumat verilib.

Bildirilib ki, yeni yaradılan şirkətin hüquqi ünvanı Bakı şəhəri, Xətai rayonu, Xocalı prospekti 13A-da yerləşir. Şirkətin nizamnamə kapitalı 500 min manat təşkil edir ki, bu da investisiya şirkətləri üçün müəyyən edilmiş minimum tələbdən 200 min manat artıqdır.

Qurumun qanuni təmsilçisi və rəhbəri Gündüz Maxsud oğlu Gözəlovdur.

Qeyd edək ki, hazırda Azərbaycanda 12 investisiya şirkəti Azərbaycan Mərkəzi Bankının müvafiq lisenziyası əsasında fəaliyyət göstərir. Yeni şirkətin də gələcəkdə lisenziya alaraq bazarda fəaliyyətə başlaması gözlənilir.