ABB və m10 arasında pul köçürmələri dayandırılıb
25 Jun,2026895 baxış
Azərbaycanın ən çox istifadə olunan bank və rəqəmsal ödəniş xidmətlərindən ikisi arasında əməliyyat qaydaları dəyişib. Azərbaycan Beynəlxalq Bankı (ABB) 24 iyun 2026-cı ildən etibarən ABB kartları ilə “m10” hesabları arasında pul köçürmələrini dayandırıb.
Yeni qərara əsasən, istifadəçilər artıq ABB kartlarından “m10” balansını artıra bilməyəcək. Eyni zamanda “m10” hesabındakı vəsaiti ABB kartına köçürmək də mümkün olmayacaq. Bununla belə, bankın digər ödəniş və köçürmə xidmətlərində hər hansı dəyişiklik edilmədiyi bildirilir.
Rəsmi açıqlama verilənə qədər isə istifadəçilər üçün dəyişməyən yeganə məqam ABB və m10 arasında birbaşa pul köçürmələrinin artıq əlçatan olmamasıdır.
