“Urban Expo” sərgisində KOBİA da iştirakçılar arasındadır
20 May,2026314 baxış
Bakıda keçirilən WUF13 çərçivəsində təşkil olunan Urban Expo sərgisində KOBİA da öz stendi ilə təmsil olunur. Sərgidə yerli sahibkarların tikinti və şəhərsalma sahəsində fəaliyyətləri, məhsul və xidmətləri ziyarətçilərə təqdim edilir.
KOBİA sərgidə Azərbaycan Tikinti İstehsalçıları Assosiasiyası ilə birgə iştirak edir. Məqsəd Azərbaycanın bu sahədə əldə etdiyi yenilikləri və yerli şirkətlərin imkanlarını beynəlxalq qonaqlara tanıtmaqdır.
Stenddə sahibkarların məhsulları nümayiş olunur, həmçinin dövlət tərəfindən biznesə verilən dəstək imkanları haqqında məlumat təqdim edilir. Şirkətlər öz layihələri və xidmətləri barədə məlumat verərək yeni əməkdaşlıqlar qurmağa çalışırlar.
“Urban Expo” sərgisində 82 ölkədən 260 təşkilat iştirak edir. Burada 130-a yaxın pavilyon qurulub. Azərbaycan pavilyonu isə 1500 kvadratmetr sahə ilə sərgidə ən böyük pavilyonlardan biridir.
