Startaplar üçün yeni vergi güzəştləri təklif olunur!
18 Jun,202616 baxış
Azərbaycanda startapların inkişafını dəstəkləmək məqsədilə Vergi Məcəlləsinə yeni dəyişikliklər təklif olunub. Milli Məclisdə müzakirə olunan bu dəyişikliklər “Startap” şəhadətnaməsi almış sahibkarlar üçün bir sıra vergi üstünlüklərini əhatə edir.
Təklif olunan yeniliklərin əsas məqsədi startapların fəaliyyətini asanlaşdırmaq, investisiya cəlbini artırmaq və innovativ layihələrin inkişafına dəstək olmaqdır.
Dəyişikliklər arasında aşağıdakılar yer alır:
-Vergi yoxlamaları zamanı hesabların dondurulması riskinin azaldılması
-Səhm satışından əldə olunan gəlirlərin vergidən azad edilməsi
-Startaplara yatırım edən fiziki və hüquqi şəxslər üçün vergi üstünlükləri
-Vergi güzəşti müddətinin 3 ildən 7 ilə qədər artırılması
-Kraudfandinq vasitəsilə yatırılan vəsaitlər üçün əlavə təşviqlər
Bu dəyişikliklərin qəbul olunacağı halda, Azərbaycanda startap yaratmaq və inkişaf etdirmək daha əlverişli ola bilər. Eyni zamanda innovativ ideyaların reallaşması və yeni bizneslərin yaranması üçün daha geniş imkanlar formalaşa bilər.
