Startaplar üçün "Demo Day"

Startap ekosistemində aktiv fəaliyyət göstərən icmalar tərəfindən təşkil olunan növbəti tədbirin tarixi açıqlanıb. 12 may tarixində keçiriləcək görüş bu dəfə Demo Day formatında baş tutacaq və community üzvü olan startapların çıxışlarına həsr ediləcək.

Tədbirin əsas məqsədi real pitch təqdimatları vasitəsilə iştirakçılara praktiki biliklər qazandırmaq, startapların ideya və inkişaf mərhələlərini canlı şəkildə izləmək imkanı yaratmaqdır. İştirakçılar həm müxtəlif sahələrdə fəaliyyət göstərən startapların təqdimatlarını dinləyəcək, həm də onların təcrübəsindən faydalanmaq şansı əldə edəcəklər.

Demo Day çərçivəsində startaplar öz layihələrini təqdim edəcək, auditoriyadan və potensial tərəfdaşlardan rəy almaq imkanı qazanacaqlar. Bu isə həm yeni əlaqələrin qurulması, həm də gələcək əməkdaşlıqlar üçün əlverişli mühit yaradır.

Tədbir 12 may saat 19:00-da Azərbaycan İnnovasiya Mərkəzi-də keçiriləcək.

Qeydiyyatdan keçmək istəyənlərdən paylaşımın şərh bölməsində “+” qeyd etmələri xahiş olunur. Bunun əsasında iştirakçılara qeydiyyat linki təqdim ediləcək.