“Startap” şəhadətnaməsi üçün 8 yeni layihə KOBİA tərəfindən təsdiqləndi
19 Mar,2026146 baxış
Kiçik və Orta Biznesin İnkişafı Agentliyinə (KOBİA) “Startap” şəhadətnaməsi üçün daha 11 müraciət daxil olub. Müraciətlər Ekspertlər Şurasının iclasında nəzərdən keçirilib və onlardan 8 layihəyə şəhadətnamə verilməsi qərara alınıb.
Beləliklə, “Startap” şəhadətnaməsi almış şəxslərin sayı artıq 263-ə çatıb.
Şəhadətnamə almış layihələr arasında müxtəlif sahələr yer alıb:
“İmza İdea Lab” MMC – süni intellekt əsaslı hədiyyə axtarışı və satış platforması
“Baysart” MMC – qızılın alqı-satqısı və saxlanması üçün rəqəmsal platforma
“NM Soft” MMC – bulud əsaslı rəqəmsal klinika idarəetmə sistemi
“SALAMXPERT” MMC – süni intellekt əsaslı müəssisə resursları planlaşdırılması platforması
“AL Digital” MMC – qızıl və zərgərlik məhsulları üçün onlayn marketpleys
“TTC Service” MMC – “VmV App” brendi altında VPN xidmətləri
“Narchin” MMC – rəqəmsal yük daşıma platforması
“RR Company” MMC – onlayn hüquq xidmətləri üçün mobil tətbiq
Süni intellekt, rəqəmsal platformalar, bulud texnologiyaları və onlayn xidmətlər kimi sahələrdə fəaliyyət göstərən bu startaplar, sahibkarlıq ekosistemində yeni imkanlar yaradır və iqtisadi inkişafa töhfə verir.
Layihələri inkişaf mərhələsində olan şəxslər “Startap” şəhadətnaməsi üçün KOBİA-ya müraciət edə bilərlər.
