PASHA Hackathon 6.0 qalibləri bəlli oldu!
20 May,2026390 baxış
Azərbaycanda innovasiya və texnologiya sahəsini dəstəkləyən ən böyük tədbirlərdən biri olan PASHA Hackathon 6.0 bu il rekord iştirakçı müraciəti ilə yekunlaşıb. Təşkilatçıların açıqladığı məlumata görə, builki hakatona 490-dan çox müraciət daxil olub ki, bu da əvvəlki illərlə müqayisədə ən yüksək göstəricilərdən biridir.
Seçim mərhələsini uğurla keçən 56 komanda üç gün davam edən yarışda iştirak edib. Tədbir çərçivəsində 250-dən çox iştirakçı müxtəlif texnoloji həllər və startap ideyaları üzərində çalışaraq layihələrini münsiflər heyətinə təqdim edib. Hakaton boyunca 40-dan artıq mentor komandalara dəstək göstərərək onların ideyalarının inkişafına töhfə verib. Bu ilki tədbirin tərəfdaşları sırasında Bravo və Tenity də yer alıb.
Yarışın nəticələrinə əsasən, “Hype” komandası birinci yerə layiq görülüb. “Merge Conflicts” ikinci, “KADABRA” komandası isə üçüncü yeri tutaraq qaliblər sırasına daxil olub.
