Motobaza.az "Startup şəhadətnaməsi" əldə etdi

Lumusoft MMC tərəfindən yaradılan Motobaza.az platforması Kiçik və Orta Biznesin İnkişafı Agentliyi (KOBİA) tərəfindən "Startup şəhadətnaməsi" ilə təltif edilib. Bu sənəd layihənin innovativliyini və bazara gətirdiyi dəyəri təsdiqləyən rəsmi göstərici hesab olunur.

Motobaza.az motosiklet həvəskarları və satıcıları üçün rahat, sürətli və etibarlı bir platforma yaratmağı hədəfləyir. Startap komandasının verdiyi məlumata görə, bu şəhadətnamə layihənin inkişafına və genişlənməsinə mühüm dəstək olacaq.

Qeyd edək ki, Startup şəhadətnaməsi yerli startapların dövlət tərəfindən tanınmasını və onlara müəyyən güzəştlərin tətbiq olunmasını nəzərdə tutur.

Motobaza.az komandası yeni hədəflər və inkişaf planları ilə fəaliyyətini davam etdirməyi qarşıya məqsəd qoyub.

Mənbə: Linkedin