“NEXUS Launchpad” proqramı startaplar üçün beynəlxalq imkanlar açır
Gənclər və İdman Nazirliyinin dəstəyi ilə Gənclər və İdman Nazirliyi, Enterprise Azərbaycan portalı, İnnovasiya və Rəqəmsal İnkişaf Agentliyi, Azmaş Lizinq MMC-nin tərəfdaşlığı və Aqrar İnkişaf Könüllüləri Təşkilatı-nın təşkilatçılığı ilə “Farm2Tour” layihəsinə qeydiyyat rəsmi olaraq açıq elan edilib.
“Farm2Tour” aqroturizm sahəsində mövcud problemlərin həllinə yönəlmiş innovativ hackathondur. Layihənin əsas məqsədi süni intellekt əsaslı rəqəmsal həllər vasitəsilə kənd təsərrüfatı və turizm sahələrini birləşdirən yeni ideyaların hazırlanmasını təşviq etməkdir.
Layihə çərçivəsində iştirakçılar əvvəlcə xüsusi təlimlərə cəlb olunacaqlar. Daha sonra isə komandalar şəklində formalaşaraq mentor dəstəyi ilə 36 saat davam edən intensiv hackathonda iştirak edəcəklər. Bu mərhələdə məqsəd aqroturizm sahəsində real problemlərə innovativ və tətbiq oluna bilən həllərin hazırlanmasıdır.
Seçilən ən uğurlu layihələr inkubasiya mərhələsinə yönləndiriləcək. Eyni zamanda startap potensialı olan ideyalar Enterprise Azərbaycan tərəfindən “Startap School 4” proqramına daxil edilərək beynəlxalq ekosistemə çıxış imkanı əldə edəcək.
“Farm2Tour” layihəsi gənclər üçün həm innovasiya, həm də aqroturizm sahəsində real biznes imkanları yaradan platforma kimi çıxış edir. Süni intellekt və rəqəmsal həllərin kənd təsərrüfatına inteqrasiyası bu təşəbbüsün əsas prioritetlərindən biridir.