Azərbaycanlı tələbələrin qurduğu FitFindAI startapı 1,6 milyon dollarlıq dəyərə çatdı
Azərbaycanlı gənclərin qurduğu FitFindAI startapı 1,6 milyon dollar dəyərində qiymətləndirilib.
ABŞ-ın Çikaqo şəhərində təhsil alan azərbaycanlı tələbələr – İbrahim Cümşüdlü, Əli Şükürov və Ayhan Şahmarov süni intellekt əsaslı moda texnologiyası startapı FitFindAI-ı istifadəyə veriblər.
Startap ABŞ-da innovativ texnologiya layihələrini dəstəkləyən nüfuzlu generator Accelerator proqramı tərəfindən 1,6 milyon ABŞ dolları dəyərində qiymətləndirilib.
Proqram iştirakçı startaplara biznes strategiyasının qurulması, investorlarla əlaqələrin yaradılması və peşəkar mentor dəstəyi təqdim edir.
FitFindAI istifadəçilərə axtardıqları geyimləri həm mətn, həm də şəkil vasitəsilə tapmağa imkan yaradır. Platforma istifadəçinin yerləşdiyi əraziyə uyğun olaraq müxtəlif brendlər üzrə axtarış aparır və daha uyğun seçimləri təqdim edir.
