Azərbaycan startap ekosistemində dünya reytinqində 7 pillə gerilədi!
02 Jun,2026405 baxış
_1780410215.webp&w=3840&q=75)
"StartupBlink” təşkilatının açıqladığı 2026-cı il “Global Startup Ecosystem Index” hesabatına əsasən, Azərbaycan dünya startap reytinqində 7 pillə geriləyərək 81-ci yerə düşüb. Ötən il ölkə 74-cü sırada qərarlaşmışdı. Hesabatda Azərbaycanın startap ekosisteminin illik 7,3% artım göstərdiyi qeyd olunsa da, region ölkələrinin daha sürətli inkişafı diqqət çəkir. Özbəkistan 19 pillə yüksələrək 79-cu yerə, Gürcüstan isə 5 pillə irəliləyərək daha yüksək mövqeyə yüksəlib. Ekspertlər hesab edirlər ki, Azərbaycanda investisiya əlçatanlığının məhdud olması, vençur maliyyələşməsi üzrə qanunvericiliyin yetərincə inkişaf etməməsi və erkən mərhələli startapların qarşılaşdığı çətinliklər sektorun əsas problemləri olaraq qalır.
Mütəxəssislərin fikrincə, qlobal rəqabət fonunda Azərbaycanın startap ekosistemində real investisiyalar, texnologiya transferi və beynəlxalq inteqrasiyaya daha çox diqqət yetirməsi vacibdir.
